Lev 6:14-18 | SwhKC | STEP | “ ‘Haya ndiyo masharti ya sadaka ya nafaka: Wana wa Haruni wataileta mbele za Bwana , mbele za madhabahu.

Leviticus 6:14-18

14 ^a“ ‘Haya ndiyo masharti ya sadaka ya nafaka: Wana wa Haruni wataileta mbele za Bwana, mbele za madhabahu. 15 ^bKuhani atachukua konzi ya unga laini na mafuta, pamoja na uvumba wote ulioko juu ya sadaka ya nafaka, ateketeze sehemu ya kumbukumbu juu ya madhabahu kama harufu nzuri ya kumpendeza Bwana. 16 ^cHaruni na wanawe watakula sehemu iliyobaki, lakini italiwa bila kutiwa chachu mahali patakatifu, nao wataila kwenye ua wa Hema la Kukutania. 17 ^dKamwe haitaokwa na chachu; nimewapa kama fungu lao la sadaka iliyotolewa kwangu kwa moto. Ni takatifu sana, kama vile ilivyo sadaka ya dhambi na ya hatia. 18 ^eKila mwanaume mzao wa Haruni aweza kuila. Ni fungu lake la kawaida la sadaka zilizotolewa kwa Bwana kwa moto kwa vizazi vijavyo. Chochote kinachozigusa kitakuwa kitakatifu.’ ”